INSTIN-OS NEWS

Instinct of sight @ Portal 演出大完滿！每一場 show，都係一個暫時離開現實的Portal。昨晚，大家一齊打開咗呢道門，我哋將最真實嘅我哋、最鍾意嘅音樂、情感擺咗入去。 對上一次玩Lost in Somewhere 不知不覺已經係六年前，慶幸嘅六年後台下熟悉嘅臉孔依然喺度陪住我哋，彷彿一切都冇變。 你哋，又帶咗啲咩入嚟？係一個禮拜嘅疲憊？係對某啲嘢嘅憤怒？ 定係純粹想搵一個可以吶喊嘅空間？ 喺每一個wall of death、circle pit捲起時，你哋又喺入面擺低咗啲咩？ 我哋冇答案，可能其實亦唔需要答案。 多謝你哋帶嚟嘅一切，令呢個空間變得完整，變得無可取代。 如果你哋離開嗰陣，帶走嘅嘢，比帶嚟嘅時候更輕盈，變得更有力量，一切都變得更有意義。 道門好快會再開，再見之前，大家保重。